Не пакідай месца ДТЗ — вазьмі адказнасць!
- Дзяржаўтаінспекцыя нагадвае ўсім удзельнікам руху, што выкананне правілаў, паважлівыя і разумныя паводзіны ўсіх удзельнікаў дарожнага руху дапамогуць пазбегнуць трагедый і зрабіць нашы дарогі яшчэ больш бяспечнымі.
- Дарожна-транспартнае здарэнне — гэта здарэнне, учыненае з удзелам хаця б аднаго механічнага транспартнага сродку, які знаходзіўся ў руху, у выніку якога прычынена шкода жыццю або здароўю фізічнай асобы, яе маёмасці або маёмасці юрыдычнай асобы.
- Як правіла, удзельнікі такіх здарэнняў застаюцца на месцы да прыбыцця супрацоўнікаў Дзяржаўтаінспекцыі, аднак маюцца выпадкі, калі недабрасумленныя вадзіцелі па тых ці іншых прычынах з’язджаюць.
- Пад пакіданнем месца ДТЗ разумеецца здзяйсненне ўдзельнікам такога здарэння дзеянняў, накіраваных на ўтойванне факта або абставін яго здзяйснення, што пацягнула неабходнасць правядзення супрацоўнікамі Дзяржаўтаінспекцыі мерапрыемстваў па ўстанаўленні дадзенага ўдзельніка або вышуку транспартнага сродку.
- Правілы дарожнага руху абавязваюць вадзіцеля — удзельніка ДТЗ неадкладна спыніцца і застацца на месцы здарэння, уключыць аварыйную светлавую сігналізацыю і выставіць знак аварыйнага спынення, прыняць меры па аказанні даўрачэбнай медыцынскай дапамогі пацярпеламу і выклікаць «хуткую дапамогу», а калі гэта немагчыма — даставіць пацярпелага ў медустанову. Запісаць кантактныя даныя відавочцаў ДТЗ, паведаміць пра тое, што адбылося, у органы ўнутраных спраў і чакаць прыбыцця супрацоўнікаў ДАІ.
- У дачыненні да асоб, якія ўцяклі з месца ДТЗ, можа прымяняцца як адміністрацыйная, так і крымінальная адказнасць.
- Так, Кодэксам аб адміністрацыйных правапарушэннях Рэспублікі Беларусь за пакіданне вадзіцелем месца ДТЗ, удзельнікам якога ён з’яўляецца, у выпадках, калі гэта забаронена заканадаўчымі актамі, прадугледжаны штраф у памеры ад 5 да 25 базавых велічынь або пазбаўленне права кіравання транспартнымі сродкамі на тэрмін да двух гадоў. Калі ж вадзіцель загадзя пакінуў пацярпелага ў небяспечным для жыцця або здароўя стане, ён панясе крымінальную адказнасць. Мерай пакарання за такое дзеянне з’яўляецца арышт або абмежаванне ці пазбаўленне волі на тэрмін да трох гадоў са штрафам.
- Паважаныя вадзіцелі! Памятайце, што пакіданне месца ДТЗ з’яўляецца грубым парушэннем патрабаванняў ПДР, за якое прадугледжана сур’ёзная адказнасць.
